News

RARS പിലിക്കോടിൽ പുതുതായി ആരംഭിച്ച സ്റ്റാഫ് ക്ലബ്, ഓണം പൂക്കള മത്സരം നടത്തി. മൊത്തം ജീവനക്കാരെ 6 ഗ്രൂപ്പുകളാക്കിയാണ് മത്സരം നടത്തിയത്. RARS വികസിപ്പിച്ച വിവിധ വിള ഇനങ്ങളുടെയും നാടൻ ഇനങ്ങളുടെയും പേരാണ് ഗ്രൂപ്പുകൾക്ക് നൽകിയത്. ഗ്രൂപ്പ് പേരുകൾ - കേരസുലഭ , ആയിരംകാച്ചി, മിഥില , നിഹാര , അരുണിമ , രക്തശാലി . മത്സരത്തിൽ നിഹാര ഗ്രൂപ്പ് ഒന്നാം സ്ഥാനം നേടി. അരുണിമ രണ്ടാo സ്ഥാനവും.

കേരള പുനർ നിർമാണ പദ്ധതിയുടെ കീഴിൽ ഉത്തര മേഖല പ്രാദേശിക കാർഷിക ഗവേഷണ കേന്ദ്രം നടപ്പിലാക്കി വരുന്ന "യന്ത്രവത്കരണം, നെല്ല് ജനിതക സംരക്ഷണം, ജൈവ വൈവിധ്യാടിസ്‌ഥാന കൃഷി എന്നിവയിലൂന്നിയുള്ള കൈപ്പാട് തീരദേശ ജൈവ നെൽപാടങ്ങളുടെ സമഗ്രവികസനം" എന്ന പദ്ധതി പ്രകാരം, 20  ഏക്കർ സ്ഥലത്ത് കൈപ്പാട് നെല്ലിനങ്ങളുടെ വിത്ത് ഗ്രാമം പദ്ധതിക്ക് തുടക്കം കുറിച്ചു. 

ആദ്യം നട്ട തെങ്ങ് കുലച്ചു, കാണാൻ മുഖ്യമന്ത്രി എത്തി:

ആദ്യതവണ മുഖ്യമന്ത്രിയായി ചുമതലയേറ്റപ്പോൾ സെക്രട്ടറിയേറ്റ് വളപ്പിൽ നട്ട തെങ്ങ് നിറഞ്ഞ കായ്‌ഫലത്തോടെ നിൽക്കുന്നത് മുഖ്യമന്ത്രി പിണറായി വിജയൻ കാണാനെത്തി. കാസർഗോഡ് പിലിക്കോട് കാർഷിക ഗവേഷണ കേന്ദ്രത്തിൽ വികസിപ്പിച്ച "കേരശ്രീ" ഇനത്തിൽപ്പെട്ട തെങ്ങാണ് ഇപ്പോൾ പതിനെട്ട് കുല തേങ്ങയുടെ നിറവോടെ നിൽക്കുന്നത്.

2016 സെപ്തംബർ എട്ടിനാണ്, പിലിക്കോട് ഉത്തര മേഖല കാർഷിക ഗവേഷണ കേന്ദ്രത്തിന്റെ സ്ഥാപക ശതാബ്ദിയോടനുബന്ധിച്ച്,  മുഖ്യമന്ത്രി പിണറായി വിജയൻ തെങ്ങിൻ തൈ നട്ടത്. 

പരിസ്ഥിതി ദിനാചരണത്തിന്റെ ഭാഗമായി മാതൃകാ ഔഷധതോട്ടമൊരുക്കി നാട്ടുവൈദ്യ കൂട്ടായ്മ:

കേരള കാർഷിക സർവ്വകലാശാല ഉത്തരമേഖല പ്രദേശിക ഗവേഷണ കേന്ദ്രം പിലിക്കോടിന്റെ (RARS Pilicode) അഭിമുഖ്യത്തിൽ മാതൃക ഔഷധ സസ്യ തോട്ടം, കാസർഗോഡ്, കണ്ണൂർ ജില്ലകളിലെ പ്രമുഖ നാട്ടുവൈദ്യർമാരായ ശ്രീ കെ.കുഞ്ഞിരാമൻ (മുൻ എം.എൽ.എ ), കാനായി നാരായണൻ വൈദ്യർ , ബാലകൃഷ്ണൻ വൈദ്യർ, പുഷ്പാംഗദൻ വൈദ്യർ, ശശിന്ദ്രൻ ഗുരുക്കൾ, ബാബു വൈദ്യർ, ഡോ. വി.വി ക്രിസ്റ്റോ ഗുരുക്കൾ, രാഹുൽ ഗുരുക്കൾ എന്നിവർ ചേർന്ന് ഔഷധ സസ്യങ്ങൾ നട്ടുകൊണ്ട് ഉദ്‌ഘാടനം നടത്തി.